Nunavut Kavamatkut Uranium-kut Maligaghatigut Uqariirutaa

Nunavut Kavamatkut ihumagiyaa uyaraghiuqniq anginiqaqtuq pivighaq maniliurutighanik pitjutighaq ihariagiyauyunut Nunavutip angikliyuummiliqtumut inugiakninganut taimaalu pivighaupluni havakvighaq pitjutiqarhunilu ayuirhimayaghanik pivallialiuqniinnik Nunavunmiunnut.

Nunavut Kavamatkut ilitarihimayaa uranium-kut qinirhianiit uyaraghiuqniinlu pipkaqtittuq aallangayunik munariyariaqalirutinik kavamatkunnut taimaatut inningani uranium ukunanilu kinguagut pitjutigiyainnik, hivuagullu aturutainni kamanaittukkut kamanaqtukkullu hulitjutainni, ukunanilu qayangnarhittaaqtunik aanniqtirutinik inungnut avatimullu.

Nunavut Kavamatkut ilitarihimayaa atanniqtuitjutaa uvani Nunavutmi Qanurilivallianikkut Ilittuqhaiyiuplutik Katimayiit unalu Nunavutmi Imaliqinikkut Katimayiit piliuqtauhimayut uvanga Nunavut Nunatarnikkut Angirutimi uvani maligaqtipkainikkut ukunani uranium-kut qinirhianikkut uyaraghiuqnikkullu.

Nunavut Kavamatkut ilitarihimayaa taamna uranium piqaqtuq nunaryuanit angirutinik imaalu nunagiyauyunit maliganit. Nunavut Kavamatkut ikayuqtaa havaqutaa ukuallu munariyaqarninginlu uuma Canadian Nuclear Safety Commission.

Taimaalu Nunavut Kavamatkut pivighaqaqqata uqarnikkut qanurittaaghamiknik kituni uranium-kut pivallialiuqnikkut havaktauyughami, taamna qanurittaagharniq hivulliuqtauniaqtuq ukunanga Nunavut Kavamatkut uranium-kut qinirhianikkut uyaraghiuqnikkullu uppiritjutinit iliuraqtauhimayut ataani.

Nunavut Kavamatkut ikayuqniaqtait qinirhianiit uyaraghiuqniinlu uranium-kut pitjutiqarlutik hapkuninga uppiritjutinik:

  1. Uranium uyaraghiuqtauyuq Nunavunmi atuqtauyughauyuq ukungainnarnut qamanaitunut imaalu avatimut ihumagittiarlugu hulitjutighanut.
  2. Nunavunmiut ikayurutiqalluaqtauyughat ukunanga uranium-kut qinirhianikkut uyaraghiuqnikkullu huliniinnit.
  3. Aanniaqtailiniit aanniqtailiniinlu havaktiinni ilauyut ukunani uranium-kut qinirhianikkut uyaraghiuqnikkullu tamaitalu Nunavunmiut hapummiyauyughat atuqlugit Kanadami aturaanginnarutit.
  4. Avatikkut aturaanginnarutit pipkaqtitauyughat ukununga uranium-kut qinirhianikkut uyaraghiuqnikkullu hapkualluanut nunamut, imarmut huratjanunlu.
  5. Uranium-kut qinirhianikkut uyaraghiuqnikkullu pihimayughat piyumanianik Nunavunmiunnit, ilitturittiarhimaqpiarlutik ukunanga nunallaanit qanittut hapkununga uranium-kut pivallialiuqnikkut.

Uranium Reports

Uranium in Nunavut
What was said about Uranium in Nunavut – Summary
What was said about Uranium in Nunavut – Executive Summary

Inuktitut | French | English